Per Aspera Ad Astra

Nuje stevemo liggenno, pe ddecrìo,
comme s'annammuraje ser Lancillotto
stevemo sule... me senza gùlio.

Cchiù vote chillu lleggere fuje rotto,
ma sempe rummanemmo ngrazzia 'e Ddio
nfino a cc' assennatezza jette 'a sotto.

Liggenno comme chella vocca ardente
'a vocca 'e Ginevra se vasaje,
isso, pigliato 'a ciento ncatamiente,

facette 'o stesso a mme, tremmanno assaje.
Ruffiano fuje 'o libbro e chi 'o scrivette.
'A chillu juorno nun liggimmo maje".

E mmentre ca Francesca me parlava,
ll'ato chiagneva e io, pe' stu scunforto,
sentenno ca 'a cuscienza me mancava,

nterra cadette, comme fosse muorto. 

Nazario Napoli Bruno    'NFIERNO PRIATORIO PARAVISO